Prezıdenttiń baspasóz hatshysy Berik Ýálı Shyǵys Qazaqstan oblysyna ákim bolyp taǵaıyndaldy. Bul týraly kóptegen telegram kanaldar jarysa jazyp jatyr.
Aqparat ázirge rastalǵan da, teristelgen de joq.
Shyǵys Qazaqstan oblysyn osy ýaqytqa deıin Danıal Ahmetov basqaryp kelgen. Zeınetker sheneýnik shyǵystaǵy oblysty 8 jyl boıy basqarǵan.
Berik Ýálı 1977 jyly týǵan. T.Q.Júrgenov atyndaǵy Qazaq memlekettik teatr jáne kıno ınstıtýtyn kınotanýshy mamandyǵy boıynsha, Ál-Farabı atyndaǵy Qazaq ulttyq ýnıversıtetiniń magıstratýrasyn jýrnalısıka mamandyǵy boıynsha, Qazaq ınovasıalyq gýmanıtarlyq zań ýnıversıtetin quqyqtaný mamandyǵy boıynsha bitirgen.
Eńbek jolyn "Tań" telearnasynyń tilshisi bolyp bastap, túrli jyldary "31 arna", "Habar", "Qazaqstan" telearnalarynyń redaktory jáne júrgizýshisi bolyp eńbek etti.
Sybaılas jemqorlyqqa qarsy "Nur Medıa" medıa ortalyǵyn basqarǵan. Ońtústik Qazaqstan oblysy ákimi apparaty basshysynyń orynbasary, OQO İshki saıasat jáne din isteri basqarmasynyń basshysy, Jambyl oblysynyń İshki saıasat basqarmasynyń basshysy boldy.
2019 jyly 22 naýryzda prezıdenttiń baspasóz hatshysy qyzmetine taǵaıyndalǵan.
Oqı otyryńyz:
Pikir qaldyrý