Almaty qalasyndaǵy Shoqan Ýálıhanov atyndaǵy alańda «AMANAT» partıasy qalalyq fılıalynyń uıymdastyrýymen kelisilgen mıtıń bastaldy.

Uıymdastyrýshylardyń aıtýynsha, bul sharanyń negizgi maqsaty – prezıdent Qasym-Jomart Toqaevtyń Qazaqstan halqyna joldaýynda aıtylǵan saıası reformalar baǵdarlamasyna qoldaý bildirý.

Ǵylym Akademıasy ǵımaratynyń mańyna shaǵyn sahna qoıylǵan, transparattar ustaǵan jastardyń qarasy kóp.

Mıtıńte minberge shyǵyp sóz sóılegenderdiń qatarynda «AMANAT» partıasynyń atqarýshy hatshysy Asqat Oralov, májilistiń, qalalyq máslıhattyń depýtattary jáne partıa belsendileri bar.

– Bizdiń baǵytymyz – aıqyn, maqsatymyz – ortaq. Biz – kózi ashyq, kókiregi oıaý azamattardy birlesip jumys isteýge shaqyramyz! Basqa partıalar bılikke jetýdi kózdese, biz eń áýeli Táýelsiz Qazaqstannyń múddesi úshin jumys isteımiz! Ardaqty aǵaıyn, Abaı atamyzdan qalǵan amanat sóz bar: «Birińdi qazaq, biriń dos, Kórmeseń istiń bári bos». Sondyqtan, kúshimizdiń birlikte ekenin kórsetip, Jańa Qazaqstandy birge quraıyq! Biz birgemiz!, – dedi Asqat Oralov.

Mıtıń jalǵasyp jatyr.