QR Parlamentiniń Senaty men Prezıdentin áleýmettik jeliler men messendjerler jumysyn shekteýge múmkindik beretin túzetýlerdi qabyldaýdan bas tartýǵa shaqyrǵan petısıa jarıalandy. Petısıa avtory jýrnalıs, Factcheck Kazakhstan jobasynyń bas redaktory Dýman Smaqov. Qazirgi ýaqytta petısıaǵa 2500-den astam adam qol qoıǵan.
Avtor túzetýler qabyldanyp ketse, Facebook, Instagram, Youtube, Telegram, Whatsapp jáne basqa da jelilerdiń Qazaqstan ınternet keńistiginde jumys isteýine qaýip tónetinin aıtady.
Jýrnalıs túzetý avtorlary mundaı qadam balalardy kıberbýllıngten (kıberbýllıńnen) qorǵaý úshin jasalyp otyrǵanyn aıtqanymen, bul qadamdardyń artynda senzýrany kúsheıtý men áleýmettik jelini baqylaýdy arttyrý turǵany anyq dep sanaıdy.
"Biz Senattan zań jobasyn Májiliske qaıtarýdy, sonymen qatar, QR Quqyq qorǵaý uıymdarymen, memlekettik emes BAQ ókilderimen jáne qoǵamdyq uıym ókilderiniń qatysýymen zań jobasyn mindetti túrde qaıta túzeýdi talap etemiz. Zań jobasy osy qalpynda qabyldansa – bizdiń qoǵam ondaǵan jylǵa artqa keteri sózsiz. Buǵan qosa, saıası jáne ekonomıkalyq turǵydan shettetilgen memlekettermen bir qatarda bolý qaýpi bar. Barsha qazaqstandyqtardy osy úndeýge qosylýǵa shaqyramyz. Cebebi bul zań jobasy árqaısymyzdyń bolashaǵymyzǵa qatysty!" deıdi avtor.
Pikir qaldyrý