Reseı óziniń áskerı shyǵyny týraly málimetti jarıalady. Bul – málimetterdiń ekinshi ret jarıalanýy.
"(Reseı kúshterinen) 1351 sarbaz qaza taýyp, 3825-i jaralandy" dep habarlady Rıa Novostı aqparat agenttigi.
Ýkraınanyń áskerı derekkózderi buǵan deıin 15 000-ǵa jýyq reseılik sarbaz qaza tapqanyn eseptegen, biraq buǵan qaza tapqandarmen qatar jaralanǵandar da kirýi múmkin. AQSH barlaýy onyń jartysy ólgen bolýy múmkin dep boljaıdy.
Reseı qorǵanys mınıstrligi qaza bolǵandar týraly alǵashqy málimetti 2 naýryzda jarıalap, shabýyl kezinde 498 áskerı qyzmetker qaza tapqanyn habarlaǵan.
Bir qyzyǵy, 21 naýryzda kremlshil "Komsomolskaıa pravda" (KP) gazeti qorǵanys mınıstrligine silteme jasap, qaqtyǵys kezinde 9861 reseılik áskerı qyzmetker qaza tapqany týraly maqala jarıalaǵan.
Keıinirek bul maqalanyń bir bóligi joǵalyp ketti. KP redaktory BBC-ge "bul aqparat hakerlik shabýyl nátıjesi" dedi.
Pikir qaldyrý