Búgin Shymkent qalasynda ishki ister salasyn jetildirý máselesi talqylandy. Otyrysqa İshki ister mınıstri Marat Ahmetjanov, Májilis depýtaty Berik Bekjanov, qala ákimi Murat Áıtenov pen quqyq qorǵaý organdarynyń basshylary men máslıhat depýtattary qatysty.

​Otyrysta Berik Bekjanov elimizde memlekettik tirkeý nómiri joq nemese kólik quralyna jalǵan, qoldan jasalǵan nómirlerdi paıdalaný arqyly kólik júrgizý faktileri keń etek alǵanyna nazar aýdardy.

Memleket basshysy Qasym-Jomart Kemeluly Toqaev Joldaýynda  zań ústemdegin ornatýǵa basa nazar aýdardy. Osy oraıda depýttat quqyq qorǵaý organdarynyń qyzmetin jetildirýge jáne jol kólik oqıǵalaryn aldyn alý úshin zańdy qatańdatýǵa erekshe mán berýde.

Atap aıtatyn bolsaq, «Ákimshilik quqyqbuzýshylyqtar týraly» Kodekste zańsyz memlekettik tirkeý nómirin qoldanǵandarǵa bes aılyq eseptik kórsetkishten (15 315 tg)  tórt júz (1 225 200 tg) aılyq eseptik kórsetkish mólsherinde aıyppul salynady.

​Al Qylmystyq kodekste kólik nómirin qoldan jasaý nemese jalǵan nómir paıdalanýǵa eki myń aılyq eseptik kórsetkishke (6 126 000 tg) deıingi mólsherde aıyppul salý nemese eki jylǵa deıingi merzimge bas bostandyǵyn shekteý qarastyrylǵan.

Aıta ketý kerek, Bas Prokýratýranyń málimetine sáıkes, atalǵan faktiler boıynsha 2022 jyldyń I toqsanynda barlyǵy 73 124 quqyqbuzýshylyq tirkelip, 72 628 fakt boıynsha ákimshilik aıyppul salynyp, 16 júrgizýshi júrgizýshi kýáliginen aırylǵan.

Májilistiń baspasóz qyzmeti