Sybaılas jemqorlyqqa qarsy qyzmet Shymkent qalasy Polısıa departamentiniń jergilikti polısıa qyzmetiniń burynǵy bastyǵyna qatysty sotqa deıingi tergeý júrip jatqanyn habarlady.
"Shymkent qalasy boıynsha Sybaılas jemqorlyqqa qarsy qyzmeti Shymkent qalasy Polısıa departamentiniń jergilikti polısıa qyzmetiniń burynǵy bastyǵyna qatysty qyzmet babyn paıdalana otyryp alaıaqtyq faktisi boıynsha (Qylmystyq kodekstiń 190-baby 3-bóligi 2-tarmaǵy boıynsha) sotqa deıingi tergeý júrgizýde.
Aǵymdaǵy jyldyń 25 sáýirinde M. Buharbaev qylmystyq is júrgizý kodeksiniń 128, 131-baptarynyń tártibinde ustalyp, ýaqytsha ustaý ızolátoryna qamaldy" delingen Antıkor aqparatynda.
Sotqa deıingi tergeý jalǵasýda.
Ózge aqparat qylmystyq is júrgizý kodeksiniń 201-babyna sáıkes jarıa etýge jatpaıdy.
Pikir qaldyrý