Ýkraınanyń ońtústigindegi Herson qalasyndaǵy oblystyq keńes tóraǵasy Aleksandr Samoılenko aımaqty basyp alǵan reseılikter 9 mamyrdy toılaýdy josparlap jatqanyn aıtty.

Olar azamattarǵa "urandar, ánder, bıler úıretedi" dedi Aleksandr Samoılenko Kıevtiń "Ýnıan" aqparattyq agenttigine.

"Biraq olar akterlerdi Qyrymnan nemese basqa aımaqtardan ákelýge májbúr. Óıtkeni Herson akterleri bul sharaǵa qatysýǵa kelispeıdi" deıdi ol.

Samoılenko Herson qalasyndaǵy jaǵdaı "az-kem tynysh" bolǵanymen, qalǵan aımaqta toılaý týraly aıtý múmkin emes ekenin jetkizdi.

"Soǵys qımyldary bolyp jatqan óńirlerdiń shekarasynda ornalasqan aýyldar tolyǵymen jabyldy, tipti azyq-túlik, dári-dármek jáne basqa da zattardy erikti túrde ákelý múmkin emes" deıdi ol.