Qarjy mınıstrligine qarasty Memlekettik kirister komıteti qant shıkizatyn syrtqa satýǵa alty aı merzimge tyıym saldy.

"Áleýmettik mańyzy bar azyq-túlik taýary bolyp sanalatyn qant tapshylyǵynyń paıda bolýyn boldyrmaý úshin Qazaqstan Respýblıkasy Aýyl sharýashylyǵy mınıstrligimen aq qantty jáne quraq qanty shıkizatyn Qazaqstan Respýblıkasy aýmaǵynan áketýge alty aı merzimge tyıym salý engizedi. "Aq qant jáne quraq qant shıkizatyn áketýdiń keıbir máseleleri týraly" Qazaqstan Respýblıkasy Aýyl sharýashylyǵy mınıstriniń 2022 jylǵy 4 mamyrdaǵy № 140 buıryǵy (http://zan.gov.kz/client/#!/doc/167498/rus buıryqqa silteme) 2022 jylǵy 23 mamyrdan bastap kúshine enedi jáne 2022 jylǵy 23 qarashaǵa deıin qoldanylady" delinen komıtet taratqan aqparatta.

Buıryq qoldanysqa engizilgen kúnge deıin QR jáne EAEO kedendik zańnamasyna sáıkes eksporttyń kedendik rásimi boıynsha ornalastyrylǵan jáne shyǵarylǵan taýarlar Qazaqstan Respýblıkasynyń aýmaǵynan kedergisiz shyǵarylady.

Mundaı shara ishki naryqtyń suranysyn qamtamasyz etýge, baǵany turaqtandyrýǵa baǵyttalǵan.