Almaty oblysy polısıa departamentiniń burynǵy basshysy Serik Kúdebaev qańtar oqıǵasy boıynsha kúdikke ilingeni týraly aqparat shyqty.

Túrli telegram arnalarda taralyp jatqan aqparatqa baılanysty resmı oryndar ázirge pikir bildirgen joq.

Taıaýda Kúdebaevtyń quzyrly organnan ketkeni resmı rastalǵan. Ol 26 qańtarda Almaty oblysy polısıa departamentiniń bastyǵy laýazymynan ketken. Sodan beri Kúdebaev qańtar oqıǵasy boıynsha tergelip jatqany jaıly áńgime aýyq-aýyq ár jerde qylań berip júrdi.

General Kúdebaev 1990 jyldardan beri quzyrly organdarda qyzmet etip kelgen. Sońǵy jyldary Almaty qalasy men Almaty oblysynyń polısıa departamentterin basqarǵan. Almaty oblysy Jambyl aýdanynda týǵan ony eks-prezıdent N.Nazarbaevtyń klanyna jatqyzatyndar bar.