Óńirde medısına qyzmetkerleri sheteldiń beldi klınıkalarynda biliktiligin arttyryp, is-tájirıbemen almasyp qaıtqan. Sondaı-aq aýrýhanalar sońǵy úlgidegi medısınalyq qural-jabdyqrmen jabdyqtalýda.

 

– 290 myń azamat vaksınalarmen jáne ımmýnobıologıalyq preparattarmen, sırek aýrýlary bar naýqastar dárilik preparattarmen qamtamasyz etildi. 7 densaýlyq saqtaý nysanyna kúrdeli jóndeý júrgizildi. Oblystyń medısınalyq mekemeleriniń materıaldyq-tehnıkalyq bazasyn nyǵaıtýǵa ótken jyly 11,2 mlrd teńge bólinip, 2 kompúterlik tomograf, 7 rentgen-apparaty satyp alyndy, aýdandyq aýrýhanalardyń 12 perzenthana bólimsheleri úshin 502 birlik jabdyq satyp alyndy. Óskemende mammologıa jáne gınekologıa reanımasıasy bólimshesiniń operasıalyq blogy jańǵyrtyldy, gematologıa ortalyǵynyń qurylysy júrgizilýde. Semeı qalasynyń perınataldyq ortalyǵynyń bazasynda balalardy ońaltý jáne katamnez ortalyǵyn jańǵyrtý aıaqtaldy, – dedi Danıal Ahmetov.

 

Sonymen qatar oblysta sheteldik jetekshi klınıkalarda medısına kadrlaryn oqytý baǵdarlamasy tabysty iske asyrylýda. 5 jyl ishinde 5,6 myń medısına qyzmetkeri, onyń ishinde 341 dáriger shetelde oqýdan ótti. Olardyń ishinde ótken jyly 65 maman Izraıl, Polsha, Reseı klınıkalarynda biliktiligin arttyrdy.

 

Jalpy, oblystyń densaýlyq saqtaý salasyn damytýǵa 24,2 mlrd.teńge jumsaldy.