Halyq óz tańdaýy arqyly elimizdiń saıası damýynyń jańa kezeńine qadam jasaıdy. Referendýmnyń ótetin ýaqyty belgili. Ony ótkizý tártibi qandaı, ol jastarǵa ne beredi? El úshin mańyzy qandaı? Búgin Syr óńirindegi jumys sapary barysynda  Májilis depýtaty Ǵalym Ámireev jas saılaýshylarmen kezdesip, referendýmnyń mán-jaıyn túsindirdi.

– Ózgeris ózimizge kerek. Konstıtýsıamyzǵa engiziletin ózgeristerdi bekitý úshin ótetin referendýmnyń máni men mańyzy osynda. Eldegi reformalarǵa quqyqtyq negiz bolatyn ózgerister halyq talqysyna salynyp otyr. Endeshe, ony qoldap, daýys berý elge júktelgen jaýapkershilik. Táýelsiz Qazaqstannyń eń basty qujaty – Konstıtýsıasy. Al ondaǵy jazylǵan árbir sóz, árbir tynys belgisi mańyzdy ról atqaratynyn jastar túsinýi kerek. Qazirden eldegi oryn alyp jatqan ózgeristerdi durys saralap, oı túıip, nemquraılylyq tanytpaý qajet, – Ǵalym Ámireev.

Jıyn barysynda respýblıkalyq shtab  múshesi Bazara Tanbaeva árbir jas Qazaqstan azamaty referendýmǵa qatysýdyń mańyzdylyǵyn sezinýi tıis ekenin aıtyp, barlyq jastardy saıası naýqanǵa belsene qatysýǵa shaqyrdy.

Jalpy kezdesýde jastar Májilis depýtatyna kókeılerindegi saýaldaryn qoıyp, ózara pikir alysty.

Materıal "AMANAT" partıasynyń Qaraǵandy oblystyq fılıaldarynyń aqparaty boıynsha ázirlendi