Shyǵys Qazaqstan oblystyq máslıhatynyń kezekti XV sesıasy barysynda óńir basshysy bilim salasynada qomaqty qarjy bólinip jatqanyn jetkizdi.
Ótken jyly qarjylandyrý úsh esege artyp, 211,8 mlrd teńgeni qurady. Barlyǵy 644 mektep, 357 mektepke deıingi mekeme, 72 tehnıkalyq jáne kásiptik bilim berý uıymdary, daryndy balalarǵa arnalǵan ınternattar qarjylandyryldy.
Danıal Ahmetovtyń aıtýynsha, byltyr 250 pán kabıneti men 600 myń oqýlyq satyp alyndy, 208 bilim berý mekemelerinde kúrdeli jáne aǵymdaǵy jóndeý jumystary júrgizildi. Mektepterdiń ınfraqurylymyn jaqsartý boıynsha sharalar qabyldanýda.
– Oblysta úsh aýysymdy jáne apatty mektepter máselesi tolyǵymen sheshilgen. Memleket Basshysy Qasym-Jomart Kemeluly Toqaevtyń "Qazaqstanda 2025 jyldyń sońyna deıin 1000 mektep salý" tapsyrmasyna sáıkes, oblys boıynsha barlyǵy 33 mektep salý josparlanyp otyr. Ótken jyly Semeı qalasyndaǵy Shyǵys kentinde 1200 orynǵa mektep salyndy, Stepnoı kentinde 300 orynǵa mekteptiń qurylysy aıaqtalýǵa jaqyn. Sonymen qatar Rıdderde – 600, Ulan aýdanynda – 320 balaǵa arnalǵan mektepter paıdalanýǵa berilmek. Aǵymdaǵy jyly 7 mektepti iske qosý josparlanýda, – dedi Danıal Ahmetov.
Pikir qaldyrý