Fılosofıa ǵylymdarynyń kandıdaty Raýshan Sartaeva Qazaqstannyń realızasıalyq, modernızasıalyq turǵydan damyǵanyn quptaımyz deı kele, aldaǵy referendýmge belsendi qatysýǵa shaqyrdy dep habarlady Almaty.tv.

«Otanymyzdyń jaqsylyq pen damýdyń dańǵyl jolyna túskeni qýantady. Bul úshin úlken qozǵalys kerek bolǵan. Bizdińshe kóptiń kútkeni de osy referendým arqyly júzege asatyn ózgerister dep uǵamyz. Bul tóńireginde jyl basynda Saıasattaný, fılosofıa jáne dintaný ınstıtýtynda talqylaǵanbyz. Jańa ózgeristiń oryn alǵanyn qalaǵanbyz. Ol jaǵy qazirgi tańda oryndaldy. Qazaqstannyń realızasıalyq, modernızasıalyq turǵydan damyǵanyn barshamyz quptaımyz. Keıbir kisiler 1993 jylǵy alǵashqy Konstıtýsıany qaıtarýdy da aıtyp júr. Endigi bir kisiler búgingi qoldanystaǵy zańdardy qataıtaıyq degendi alǵa tartady. Árıne, qyzý pikir talas kóp-aq. Desede, qazirgideı almaǵaıyp zamanda prezıdenttik-parlamenttik basqarý úlgisin quptaǵan bolar edik. Bul ýaqyt talaby bolyp tur. Memleket basshysy da tarıhı sáttiń ústinde turǵanymyzdy sezinýde. Sondyqtan jeke bireýlerdiń qaltasy úshin emes, memleket bolashaǵyna qyzmet etken durys. Sonda jastarǵa aıqyn baǵyt-baǵdar usyna alamyz. Qasterli otanymyz barshamyzdyń panamyz demekpin», – dedi fılosofıa ǵylymdarynyń kandıdaty Raýshan Sartaeva.