SHQO-da shyǵarmashylyq, zerdeli jáne yntaly mektep oqýshylary men  bilim berý uıymdarynyń stýdentteri IX aımaqtyq «Jańa urpaq» İT festıvalinde ózderiniń ınovasıalyq jobalaryn usyndy.

El prezıdenti Q.Q.Toqaev jarıalaǵan «Balalar jyly» aıasynda uıymdastyrylǵan sharada, elimizdiń shyǵysynda bilim salasyndaǵy jalǵyz aýqymdy İT kórme ótip jatyr.

«Jańa urpaq» stýdentterge óz jobalary men ázirlemelerin kórsetýge, ıdeıalar men pikir almasýǵa tamasha múmkindik, deıdi uıymdastyrýshylar.

– Búgin festıválde antıseptık shashatyn robot jobamyzdy usynyp otyrmyz. Ol sensordyń arqasynda jumys isteıdi, qazaq tilinde erkin sóıleıdi jáne koronavırýstyq ınfeksıanyń aldyn alý týraly nusqaýlar beredi. Bul indetpen kúrestegi úlken qadam dep esepteımiz. Mektebimizde ornattyq, - deıdi Óskemen qalasyndaǵy A.O.Bókeı atyndaǵs N44 lıseı-mektebiniń oqýshylary Dilnaz Nábıolda men Dıas Ermuhanbetov.

– Men bos ýaqytymda progresıvti meteostansıanyń jobasyn ázirledim. Onyń máni klımattyq jaǵdaılardy saqtaıdy, sondaı-aq topyraqtyń ylǵaldylyǵyn baqylaıdy, ósimdikterdi ýaqtyly sýarady. Meniń ázirlemelerim aýyl sharýashylyǵynda, gúl ósirýde paıdalanylýy múmkin, - deıdi N10 gımnazıa oqýshysy Semen Petkov.

Qatysýshylar «Kids Skills», «Maker Fest», «Junior Skills», «Startup Projects», «Robotime», «ClusterPro» sekildi 6 baǵyt boıynsha óz jumystaryn usyndy. Olardyń arasynda qaýipsizdikti uıymdastyrýǵa arnalǵan arnaıy qosymshalar, oıyndar, basqa da oıyndar, qoldanbaly jobalar bar.

Shyǵys Qazaqstan oblysy ákiminiń birinshi orynbasary Almasqan Smatlaev atap ótkendeı, festıvál jas ınnovatorlardyń ózderine degen senimin arttyryp, ıdeıalarynyń qoldaý tabatynyna senim uıalatatyn tamasha múmkindik.

– Qazaqstan Prezıdenti Qasym-Jomart Kemeluly Toqaev atap ótkendeı, elimizge jas, bilimdi, maqsatty kadrlar qajet. Otandyq IT sektordy damytý jáne nyǵaıtý mańyzdy. Oblysta nebári 2 jyldyń ishinde 25 stýdent startap jobalaryn ári qaraı júzege asyrý úshin grant alsa, búginde 35 stýdent 35 mln teńge aldy. Búgingi tańda jigitterdiń osy jerde jáne qazir qoldanýǵa bolatyn daıyn IT sheshimderin usynyp jatqany óte qýanyshty. IT festıvali jyl saıyn ótkiziletin bolady, oǵan árkim qatysyp, grantqa ıe bola alady. Sondyqtan ıdeıalardy generasıalaýdy jáne jobalardy jasaýdy jalǵastyrý mańyzdy, – dedi ol.

Sondaı-aq festıvál alańynda ǵylymı-oıyn-saýyq aımaǵy tanystyryldy, munda kelýshiler zamanaýı tehnologıalar salasyndaǵy sońǵy jetistikterdi synaýǵa biregeı múmkindik aldy. Mereke aıasynda «Skill for Geeks» oblystyq chempıonatynyń jáne oblys muǵalimderi arasyndaǵy «IT-Ūstaz 2022» baıqaýynyń jeńimpazdaryn marapattaý rásimi ótti.

Festıvál nátıjesinde táýelsiz sarapshylar úzdik IT-jobalardy tańdap, «Kórermender tańdaýy» júldesi kórmege kelýshilerdiń onlaın daýys berýi arqyly anyqtalady.

Aǵymdaǵy jyldyń sáýir aıynda «Skill for Geeks» oblystyq chempıonaty tórtinshi ret ótkenin aıta ketken jón. Oǵan robototehnıka, 3D modeldeý jáne baǵdarlamalaýmen belsendi aınalysatyn mektep oqýshylary qatysty. Chempıonat İT-synyptar jumysynyń kórsetkishin asha túsip, oǵan qatysýshylar İT-quzirettilikteri boıynsha bilimderi men daǵdylarynyń joǵary deńgeıin kórsetti.