Teatr, keskindeme, mýzyka jáne ádebıet-halyqtyń naǵyz qazynasy, ol onyń mádenı-tarıhı ótkenin beıneleıdi jáne búginin baıytady. 21 mamyrda Qazaqstannyń mádenıet jáne óner ókilderi ózderiniń kásibı merekelerin atap ótedi. SHQO ákimi Danıal Ahmetov óz quttyqtaýynda mádenıet jáne óner qyzmetkerleri - bizdiń merekemizdi, festıválder men baıqaýlarymyzdy uıymdastyratyn, qýanysh pen jaǵymdy emosıalar syılaıtyn adamdar ekenin atap ótti.
"Olardyń qyzyqty ıdeıalary men qajyrly eńbeginiń arqasynda aımaq ómiri jarqyn jáne qyzyqqa toly. Kóptegen is-sharalardy ótkizýde Shyǵys Qazaqstan basqa oblystar úshin úlgi boldy, biz respýblıkalyq jáne álemdik deńgeıdegi mádenıet qaıratkerlerin qabyldaımyz. Mýzeılerdiń, kitaphanalardyń, óner mektepteriniń qyzmetkerleri, teatrlar men konserttik birlestikterdiń, shyǵarmashylyq odaqtardyń qaıratkerleri, mádenıet úıleriniń, qalalyq jáne aýyldyq klýbtardyń mamandary, kórkemónerpazdar ujymdary jáne basqalary - bul bizdiń rýhanı jáne adamgershilik qundylyqtarymyzdy saqtaýǵa jáne arttyrýǵa kómektesetin adamdar. Bizdiń aımaq - esimderi búkil álemge tanymal bolǵan kórnekti aqyndardyń, jazýshylardyń, fılosoftardyń, sýretshiler men músinshilerdiń otany. Men osy salanyń barlyq qyzmetkerlerine sarqylmas qýat pen shabyt, baqyt, densaýlyq, jaqsylyq pen amandyq tileımin!"- dedi aımaq basshysy.
Búgin Prezıdent Qasym-Jomart Kemeluly Toqaevtyń Jarlyǵymen Mádenıet salasyndaǵy asa kórnekti jetistikteri jáne Qazaqstan Respýblıkasyna sińirgen erekshe eńbegi úshin "Qazaqstannyń eńbek sińirgen qaıratkeri" qurmetti ataǵy elimizdiń birqatar kórnekti mádenıet qaıratkerlerine berildi. Olardyń ishinde shyǵysqazaqstandyqtar: "Ertis konsert" MKQK sımfonıalyq orkestriniń bas dırıjeri Galsanov Aleksandr Valerevıch, Á.Qashaýbaev atyndaǵy memlekettik fılarmonıanyń ánshisi Ýtýlenova Maprýza Kadeshevna, sondaı-aq Abaıdyń "Jıdebaı-Bórili" memlekettik tarıhı-mádenı jáne ádebı-memorıaldyq murajaı-qoryǵy RMQK dırektory Shańbaı Turdyqul Qasenuly bar.
Aıta keteıik, Qazaqstanda Mádenıet jáne óner qyzmetkerleri kúni 2013 jyldyń qarasha aıynda respýblıka Prezıdentiniń Jarlyǵyna sáıkes paıda boldy.
