Ulttyq mýzeı dırektory Arystanbek Muhamedıuly qamaýǵa alynǵany resmı túrde rastaldy.

"Nur-Cultan qalasy boıynsha Sybaılas jemqorlyqqa qarsy qyzmet "Altyn adamnyń álem mýzeılerine sherýi" halyqaralyq kórmesin ótkizý jónindegi memlekettik satyp alý týraly shart aıasynda Qazaqstan Respýblıkasy Ulttyq mýzeıiniń laýazymdy adamdaryna jáne basqa da tulǵalarǵa  146 mıllıon teńge somasynda búdjet qarajatyn jymqyrý belgileri boıynsha sotqa deıingi tergep-tekserýdi júrgizedi.

2022 jylǵy 28 mamyrda sottyń sanksıasymen Ulttyq mýzeı dırektory Arystanbek Muhamedıulyna qatysty "kúzetpen ustaý" bultartpaý sharasy tańdaldy" delingen antıkor aqparatynda.

Buǵan deıin Ulttyq mýzeı dırektory joǵaryda atalǵan aıyp boıynsha kúdikke ilingeni, ózine qol salmaq bolǵany týraly aqparat shyqqan.