Qazaqstanda áskerı qyzmetshilerdiń zeınet jasy ulǵaıady. Bul týraly Qorǵanys mınıstrligi Zeınetaqy ortalyǵynyń basshysy Qaıyrjan Bımoldın málim etti.

– Bıyl áskerı qyzmet týraly zańǵa qyzmet merzimin 5 jylǵa kóbeıtý týraly norma men ózgerister engizildi. Osyǵan baılanysty zeınet jasy da bes jylǵa ósedi. Zeınetaqy mólsheri áskerı qyzmetshiniń eńbek ótiline tikeleı baılanysty. Naqty aıtsaq, eger 25 jyl eńbek ótili bolsa, áskerı qyzmetshige 50 paıyz zeınetaqy taǵaıyndalady. Al 25-ten astam ár jylǵa 2 paıyzdan qosylyp otyrady. Mysaly, 30 jyl eńbek ótili bar áskerı qyzmetshige óziniń alyp otyrǵan jalaqysynyń 60 paıyz zeınetaqy taǵaıyndalady, – dedi Qaıyrjan Bımoldın. 

Bımoldın zeınetaqyny kóterý "Zeınetaqymen qamsyzdandyrý týraly" zańnyń 4-babynyń 4-tarmaǵynda da qarastyrylǵanyn, ósýdiń normalaryn nemese arnalǵan respýblıkalyq búdjet bekitetinin aıtty.