Eks-prezıdent Nursultan Nazarbaev týystary zań buzǵany tolyq dáleldengen jaǵdaıda, tıisti túrde jazalanýy kerek dedi. Bul týraly tuńǵysh prezıdenti saıasatker Danıar Áshimbaevqa bergen suhbatynda aıtty.
– Biz uzaq jyl boıy Qazaqstanda quqyqtyq memleket quryp kelemiz. Onyń negizgi qaǵıdaty: zań – bárine ortaq. Eger týystarymnyń biri zańdy buzý úshin meniń atymdy jamylsa, onda olar tıisti jazaǵa tartylýy kerek. Onyń kinási sotta dáleldenýge tıis. Ár azamat zańdy túrde qorǵanýǵa quqyly ekenin umytpaǵan jón, – dedi Nazarbaev suhbatynda.
N.Nazarbaev kúıeý balasy Rahat Álıevtiń zańsyz áreketterine de kóz jumyp qaramaǵanyn aıtqan.
– Ol meniń qyzymnyń kúıeýi boldy. Ulym sıaqty edi, jıenderimniń ákesi boldy. Biraq soǵan qaramastan memleket onyń zańǵa qaıshy áreketterine kóz jumyp qaraǵan joq. Qazaqstan soty ony sottady. Biraq ol qashyp úlgerdi, ómir boıy jasyrynýǵa májbúr boldy. Adam qyzyǵarlyq taǵdyr emes, – dedi Nazarbaev.
Pikir qaldyrý