Elbasy Nursultan Nazarbaev saıasatker Danıar Áshimbaevqa telefon arqyly bergen suhbatynda qańtar oqıǵasy týraly da sóz qozǵady. Eks-prezıdent qańtar oqıǵasy qazaqstandyqtar úshin úlken sabaq boldy dep sanaıdy.
– Qańtar oqıǵasy búkil Qazaqstandy dúr silkindirdi. Joǵaryda atap ótkenimdeı, bul uıymdasqan tártipsizdikter men Qazaqstanǵa jasalǵan shabýyldardyń maqsaty – elge beıberekettik sebý, memlekettiń tutastyǵyn buzý boldy. Bolǵan qaıǵyly jaǵdaı bárimiz úshin úlken sabaq boldy. Bul oqıǵanyń artynda kimniń turǵanyn anyqtaý kerek. Tergeý kezinde bul suraqqa jaýap tabylatynyna senimdimin, - dedi Nursultan Nazarbaev.
Sondaı-aq Nazarbaev sol ýaqytta halyq arasynda taraǵan túrli saýaldarǵa ne sebepti jaýap bermegenin aıtyp ótti.
– Men úshin sol sátte túrli qaýesetterge jaýap berýden góri, prezıdentke qoldaý kórsetý mańyzdy boldy. Oǵan elimizdiń Qaýipsizdik Keńesi tóraǵasy ókilettigin tolyq tapsyrdym. Prezıdentiń batyl qadamdarynyń arqasynda jaǵdaı odan ári ýshyqpady, - dep pikir bildirdi eks-prezıdent.
Pikir qaldyrý