Ýkraınada soǵys bastalǵaly elde 4113 beıbit turǵyn qaza tapty, 4916 adam jaraqat alǵan. Bul týraly BUU Adam quqyqtary jónindegi Joǵarǵy Komısary basqarmasy habarlady.
Resmı derekte Lýgansk pen Donesk oblystarynda qaza tapqandardyń sany kóp ekeni aıtylady. Bul aımaqtarda 2337 adam qaza taýyp, 2808 adam aýyr jaralanǵan.
Beıbit turǵyndardyń kóbi aýyr artılerıa men reaktıvti júıelerden atqylaýdan, zymyran men avıasıalyq soqqylardan qaza tapqan.
BUU soǵys qurbandarynyń naqty sany resmı derekterden áldeqaıda kóp dep sanaıdy. Óıtkeni qarqyndy urys júrgizilgen keıbir jerlerden aqparat alý keshigip jetken, kóptegen habarlamalar áli de rastalmaǵan.
Pikir qaldyrý