Májilis depýtattary Darhan Myńbaı, Qudaıbergen Erjan, Qaınar Abasov jáne Syrym Ertaev óńirlerge sapar aıasynda Túrkistan oblysyna bardy.

Onda depýtattar jergilikti turǵyndarǵa konstıtýsıalyq túzetýlerdi túsindirip, referendýmǵa qatysýǵa shaqyrdy.

Búgin shtab músheleri Túlkibas aýdany, Mıchýrın aýyldyq okrýginde sharýa qojalyq ıelerimen jáne kásipkerlermen kezdesip, jalpyhalyqtyq referendýmdy ótkizýdiń alǵysharttaryn, usynylǵan reformalardyń erekshelikteri týraly baıandady.

– Jalpy oblysta halyqpen júzdeskende birneshe másele kóterildi.  Sonyń ishinde áıel azamattardyń zeınet jasyn qysqartýǵa erekshe mán berilýde. Budan bólek, jaıylym jer tapshylyǵy, ónerkásip oryndaryn ashý, sýbsıdıa alý, agro bank qurý tóńireginde usynystar aıtyldy. Bul referendým shyn máninde ádiletti Qazaqstan qurý jónindegi saıası reformalardy júzege asyrýdyń alǵysharty, – dedi Darhan Myńbaı.

Kezdesýde aýyl turǵyndary belsendilik tanytyp, ózderin tolǵandyrǵan saýaldaryn qoıyp, pikir alysty. Solardyń biri Túlkibas kenti ardagerler keńesiniń tóraǵasy S.Toǵysbaev birqatar usynys aıtyp, jańa ózgeristerge kóńili tolatynyn jetkizdi.

– Osyǵan deıingi qoldanystaǵy zańdaǵy 98 baptyń 33-ne ózgeris engizý jónindegi mátindermen túgel tanysyp shyqtym. Árıne, óte quptarlyq másele. Sebebi, biz bolashaqta Jańa Qazaqstan úshin ádildik pen ashyqtyqty jáne demokratıalyq reformalardy qoldaýymyz kerek. Ol úshin alda ótetin búkilhalyqtyq referendýmǵa barlyq azamattardy, ásirese, jastarǵa ózderiniń bolashaqtary úshin kelip daýys berýge shaqyramyn, – dedi aýyl aqsaqaly.

«AMANAT» partıasynyń Túrkistan oblystyq fılıalynyń aqparaty boıynsha