Qazaqstanda veıpterdi satýǵa jáne paıdalanýǵa zańdy túrde tyıym salý, sondaı-aq aksız engizý josparlanyp otyr. Bul týraly Májilis depýtaty Amanjan Jamalov aıtty, dep jazady Tengrinews.kz.

"Negizgi daýdyń sebebi bularǵa (jylytylǵan temeki qosylǵan ónimderge – red) salynǵan salyq. Bilesiz be, osy ýaqytqa deıin Qazaqstanda elektrondy temekige eshqandaı salyq salynbaǵan. DDSU málimetinshe, bul temekiler áser etý, quramyndaǵy nıkotın jáne basqa da kórsetkishteri jaǵynan kádimgi temeki sıaqty. Sondyqtan, depýtattar aksız (salyq – red) salý týraly sheshim qabyldady. 

Sonymen qatar, Qazaqstanda temeki qospasy bar elektrondy qurylǵylar dep atalatyn veıpterdi satýǵa jáne paıdalanýǵa tyıym salatyn Densaýlyq saqtaý kodeksine ózgertýler engizý týraly sheshim qabyldandy. Olardy Qazaqstanda satýǵa jáne paıdalanýǵa tolyq tyıym salynady. Sondyqtan biz Salyq kodeksinen bul uǵymdardy alyp tastadyq", dep túsindirdi ol Májilis otyrysynda.