"Ál-Qaıda" uıymy (Qazaqstanda tyıym salynǵan uıym - Red) Úndistanda terakt jasaımyz dep qorqytyp otyr. Lańkestik top bılik partıasynyń burynǵy ókili Muhammed paıǵambar týraly aıtqan pikirinen keıin osyndaı málimdeme jasady, dep jazady lenta.ru.

"Delıde, Mýmbaıda, Ýttar-Pradesh pen Gýdjarat aımaǵynda jankeshti shabýyldar jasaımyz" deıdi uıym ókilderi. Terrorıster qazir polısıa tarapynan qorǵalǵan úndi saıasatkerine jetý úshin balalardy jankeshti retinde paıdalanýǵa daıyn ekenin de aıtty.

Úndistannyń "Bharatıa Djanata" partıasynyń burynǵy ókili Nıpýr Sharma ótken aptada ulttyq telearnadaǵy pikirtalas kezinde Islamǵa qarsy jáne Muhammed paıǵambar týraly birneshe málimdeme jasaǵan. 

Atalǵan málimdemeden soń Iran, Saýd Arabıasy jáne Birikken Arab Ámirligi elderi men Úndistan arasynda dıplomotıalyq janjal týyp, Nıpýr Sharma qyzmetinen bosatyldy.