Shymkent qalasynyń eks-ákimi Ǵabıdolla Ábdirahymovqa qatysty qylmys is qozǵalǵan. Aqparatty Almaty qalalyq polısıa departamenti rastady.
20 mamyrda Kozachkov offside Telegram-arnasy Ábdirahymovqa qatysty qylmystyq is qozǵalǵanyn jazǵan bolatyn.
Alaıda jýrnalısiń aqparatyn bas prokýratýra teriske shyǵaryp, eks-ákimge qatysty reıderlik áreket boıynsha is qozǵalmaǵanyn málimdegen. Ábdirahymovtyń ústinen reıderlik emes, alaıaqtyq boıynsha qylmystyq is qozǵalǵany belgili boldy
"19 mamyrda Forbes jýrnalynyń eń tabysty 50 bıznesmen qataryndaǵy kásipker Saıdýlla Qojabaev quqyq qorǵaý organdaryna júginip, aryzdanǵan. Kásipker 5 adam ózinen 2-3 mıllıon dollar aqsha alǵanyn málim etken. Atalǵan adamdardyń ishinde Kárim Másimov pen Ǵabıdolla Ábdirahymov ta bar eken. Negizi olar 10 mıllıon dollar surapty" dep jazdy jýrnalısMıhaıl Kozachkov.
Almaty qalalyq polısıa departamenti Qojabaevtyń aryzy boıynsha qylmystyq is qozǵalǵanyn rastady. Qazirgi kezde Qylmystyq kodekstiń 190-baby, 4-bóligi (Alaıaqtyq, asa iri mólsherde) boıynsha sotqa deıingi tergeý amaldary júrgizilip jatyr.
"Bul qylmys úshin 5 jyldan 10 jylǵa deıingi merzimge bas bostandyǵynan aıyrý jazasy qarastyrylǵan. Budan bólek, múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyrýy múmkin. Bas prokýratýra bul alaıaqtyq boıynsha qylmys bolǵandyqtan, alǵashqyda aqparatty teriske shyǵarǵan bolar" delingen jýrnalısiń jazbasynda.
Pikir qaldyrý