Reseıdiń burynǵy premer-mınıstri Ýkraına jeńilse, Pýtınniń kelesi nysanasy kim bolatynyn aıtty

/image/2022/06/14/crop-9_44_261x465_hqdefault.jpg

Reseıdiń eks-premeri Mıhaıl Kasánov Reseı men Ýkraına arasyndaǵy soǵys eki jylǵa sozylýy múmkin, al Reseıdiń demokratıaǵa qadam basýy men ózge eldermen qarym-qatynasyn durystaýyna on jyl ketedi dep sanaıdy. Bul týraly ol Euronews telearnasyna bergen suhbat barysynda aıtty.

Onyń sózinshe, "depýtınızasıı" júrgizip, Reseıge órkenıetti álemmen, ásirese kórshi ári negizgi seriktesi Eýropa odaǵymen senimge qurylǵan elementterdi qalyptastyrýǵa on jyldaı ýaqyt ketedi.

Ol kópshilik sıaqty soǵys bastalatynyna senbegenin, qazirgi ýaqytta Pýtın saıası shyndyqpen baılanysyn joǵaltty dep sanaıtynyn atap ótti.

Eks-premer Pýtın qurǵan júıe óziniń qatańdyǵy jóninen Keńes odaǵynyń sońǵy kezeńinen de asyp túskenin, onyń qurǵan júıesi zańsyzdyq pen jaýapsyzdyqqa ıek artqan "KGB" júıesi ekenin aıtady.

Eks-premer sondaı-aq Ýkraına eger soǵysta jeńilse, kelesi nysana Baltyq elderi bolady degen pikirde.

Mıhaıl Kasánov Vladımır Pýtın bıligi tusyndaǵy alǵashqy premer-mınıstr. Ol 2000-2004 jyldary mınıstrler kabınetin basqaryp, otstavkaǵa ketken soń opozısıaǵa ótken. Maýsymnyń basynda óziniń bostandyǵy men ómiri úshin alańdaıtynyn jetkizip, Reseıden ketip qalǵan.

Forbes jýrnaly 2017 jyly Kasánovty zamanaýı Reseı tarıhyndaǵy eń tıimdi premer-mınıstr dep tanyǵan.

Reseıdiń burynǵy premer-mınıstri Ýkraına jeńilse, Pýtınniń kelesi nysanasy kim bolatynyn aıtty

Qatysty tegter :

Pikir qaldyrý

Qatysty Maqalalar