Memleket basshysy Qasym-Jomart Toqaev Ulttyq quryltaıdyń alǵashqy otyrysy nege jańadan qurylǵan Ulytaý oblysynda ótip jatqanyn aıtty, dep habarlady Sputnik Qazaqstan.
"Men quryltaıǵa keler aldynda tutas eldiń atynan uly Joshy hannyń rýhyna quran baǵyshtap, qurban shaldym. Jańa Qazaqstandy qurý jolyndaǵy tarıhı qadamnyń kıeli jerden bastalýy jaqsy yrym. Bárimiz babalarymyzdyń arýaǵy qoldap, isimiz ońynan bolsyn tileımiz" dedi Toqaev Ulytaýda ulttyq quryltaı otyrysynda.
Prezıdent uly dalanyń tórinde turǵan Ulytaý talaı tarıhı oqıǵanyń kýási bolǵanyn atap ótti.
"El taǵdyryn aıqyndaǵan kóptegen mańyzdy keńester dál osynda ótken. Kıeli ólkede Altyn Orda ámirshileri men qazaq handarynyń izi qalǵan. Biz urpaqtar sabaqtastyǵy jalǵasyn tapsyn dep osy jerge kelip otyrmyz" dedi ol.
Pikir qaldyrý