Ýkraınanyń Joǵarǵy Radasy reseılik mýzakaǵa tyıym salatyn zań shyǵardy. Endi buqaralyq aqparat quraldarynda jáne qoǵamdyq oryndarda reseılik áýender qoıylmaıtyn boldy, dep jazady currenttime.tv saıty.

Jańa zańǵa sáıkes, "agresor" dep tanylǵan memleket azamatynyń qandaı da bir týyndysy qoǵamdyq oryndarda nasıhattalmaýy kerek. 1991 jyldan beri Reseı azamattyǵyn alǵan oryndaýshylardyń ánderine osyndaı talap qoıylǵan. Ereje Reseı azamattyǵynan shyǵyp, Ýkraına azamattyǵyn alǵandarǵa qoldanylmaıdy.

Parlament sondaı-aq radıodaǵy memlekettik tildegi aqparattyq-saraptamalyq, oıyn-saýyq baǵdarlamalarynyń úlesin 40%-ǵa, ánderdiń úlesin 75%-ǵa deıin arttyrý týraly zań qabyldady.

Sondaı-aq Reseı azamattyǵy bar ánshilerge (Ýkraınaǵa jasalǵan agresıany aıyptaıtyn jáne tıisti tizimge engen ánshilerden basqa) Ýkraınada gastróldik is-sharalar ótkizýge tyıym salynady.

Budan bólek, 19 maýsymda Joǵarǵy Rada Reseı, Belarýs jáne Ýkraınanyń okýpasıalanǵan aýmaqtarynan kitaptar men basqa da baspa ónimderin ákelýge jáne taratýǵa tyıym salatyn zań qabyldaǵan.