Baltabek Muqashev pen adam kapıtalyn damytý qory EPG Education otandyq tehnologıalyq holdıńtiń damýyna $2,4 mln ınvestısıa saldy.

Bugin Holding negizin qalaýshylar aksıonerler bolyp qalady jáne kompanıany damytýdy jalǵastyrady. Al ınvestısıa ónimderdi damytýǵa jáne sheteldik naryqtarǵa shyǵýǵa jumsalady. 2022 jyly Bugin Holding-tiń tabysy shamamen 2,8 mlrd teńgeni quraıdy dep kútilýde.

Bugin Holding úsh salany qamtı otyryp jumys atqarady. Olar – qundylyq, bilim, ınovasıa! Atalǵan úsh sala da kez kelgen adamnyń ıakı memlekettiń bolsyn damýyna tikeleı áserin tıgizedi. Máselen, qundylyqsyz adamǵa bilim darymaıdy, al bilimsiz ınovasıany kóterý tipten múmkin emes. Bugin Holding osy úsh sala boıynsha qandaı qareketter jasaýda? Osy suraqqa jaýap retinde kompanıanyń ekosıstemasyn alǵa tartýǵa bolady.

Ekojúıeniń alǵashqy satysy – «OrdaGen» balalarǵa arnalǵan arnaýly joba. Bul eńbektep es bilgen balanyń boıyna dástúr men dildi daryta otyryp, qundylyqtyń qunaryn berý. OrdaGen-de qazirgi tańda myńnan astam ertegi bar. Olardy mobıldi qosymsha, kitap jáne anımasıalyq múltfılm túrinde taratyp, balalarǵa arnalǵan qazaqtildi kontenttiń damýyna úlesin qosyp keledi. OrdaGen aldyńǵy kóshten erekshelenip, qordyń kóp bóligin avtorlyq ertegige úlestirdi. Onda biz buryn oqyp kórmegen psıhologıalyq, fantasıkalyq janrlardaǵy ertegiler bar. Tórt iri qundylyqqa negizdelgen ertegilerdi oqyp ósken bala, endi kez kelgen bilimdi tez sińirip ala alady.

Osy oraıda ekojúıeniń ekinshi baspaldaǵy bastalady. Ol – Daryn.Online respýblıkalyq bilim berý platformasy. Daryn.Online qazaqstandyq oqýshylarǵa ýaqyt pen qashyqtyq teńsizdigine qaramaı bilim alýǵa múmkindik beredi. Joba maqsaty – sapaly bilimdi qoljetimdi etý. Búginge deıin platformaǵa 3,6 mln oqýshy men 350 000 jýyq muǵalim tirkelgen. Platforma bazasynda BǴM standartyna saı jańartylǵan baǵdarlama boıynsha 1-11 synyp oqýshylaryna 24 000 astam vıdeosabaqtar túsirilip, 250 000 test tapsyrmalary daıyndalǵan. Mektep túlekteri bilikti metodıster daıyndaǵan UBT baıqaý synaǵyn 1 200 000 márte tapsyrǵan. Respýblıka boıynsha platformamen 2000 nan astam mektep jumys jasaǵan.

Platformada oqýshy men ustazǵa qosymsha qoldaý kórsetetin birqatar jobalar iske qosyldy. Mysaly, Daryn Teacher qysqa ýaqyttyń ishinde oqýshynyń belgili bir taqyrypty úırenýine nemese úı jumysyn túsinip oryndaýyna kúsh jumsaıdy. Bul óz kezeginde platformada bilim berýshi ustazǵa qosymsha tabys ákeledi. Qazaqstannyń barlyq ustazdaryna tirkelip, tabysyn arttyrýyna múmkindik bar.

Ekojúıeniń kelesi baspaldaǵy – Daryn Tandau. Aty aıtyp turǵandaı, bul joba mektep bitirýshi túlekterge nemese mamandandyrylǵan mektepterge túsýge úmitker oqýshyǵa durys tańdaý jasaýǵa kómek beredi. Bul jobany bir jaǵynan «vırtýaldy kórme» dep ataýǵa da bolady. Sebebi tańdaý jasaý úshin «qabyldaý bólimin» sharlap qajet emes. Vırtýaldy kórmede tek otandyq oqý oryndaryn ǵana emes sheteldik oqý oryndaryn da tańdaýǵa bolady.