Týrızmdi damytýdyń memlekettik baǵdarlamasy sheńberinde Shyǵys Qazaqstan oblysynyń 4 obektisin damytýǵa basym baǵyt berilip otyr. Olardyń ishinde Buqtyrma sý qoımasy, Katonqaraǵaı ulttyq parki, Rıdder qalasy men Glýbokoe aýdanynyń taý shańǵysy klasteri bar. Bul týraly Óńirlik komýnıkasıalar qyzmetiniń brıfıńinde Oblystyń kásipkerlik jáne ındýstrıaldy-ınnovasıalyq damý basqarmasy basshysynyń orynbasary Marat Qabaqov málimdedi.

Katonqaraǵaı aýdanyndaǵy elimizdiń eń iri ulttyq parki Ekologıalyq jáne aýyldyq týrızmdi damytýdyń úlken perspektıvalaryna ıe, onda jalpy uzyndyǵy 680 km bolatyn 14 týrısik marshrýt pen soqpaq shoǵyrlanǵan.

Budan basqa, "Katonqaraǵaı aýdanynyń turaqty damýy" qoǵamdyq qory árbir kásipkerge 500 myń teńgeden grant berdi.

– Atalǵan qarajatqa kásipkerler aǵymdaǵy jóndeý jumystaryn júrgizdi, jıhazdardy jańartty, atpen serýendeýdi uıymdastyrý úshin jylqy satyp aldy. Aǵymdaǵy jyldyń maýsym aıynan bastap alǵashqy týrıserdi qabyldaý bastaldy, – dedi spıker.

Kásipkerlik jáne ındýstrıalyq-ınnovasıalyq damý basqarmasy basshysynyń orynbasarynyń aıtýynsha, Úlken Naryn aýylynda týrısik-aqparattyq ortalyq qurý boıynsha joba júzege asyrylýda, ol ózindik týrısik hab – 10 turaqty jumys ornyn qura otyryp, jergilikti týrısik ónimder týraly aqparat berý jónindegi servıstik qyzmetke aınalady.

– Jyl basynan beri Katonqaraǵaı aýdanynyń Órel aýylynda 1,5 mlrd teńge somasyna 150 tósek-orynǵa arnalǵan "Muztaý" týrısik kesheni ashyldy. Óskemen qalasynda quny 2,5 mlrd teńge bolatyn 200 tósek-orynǵa arnalǵan 3 qonaq úıdiń, quny 900 mln teńge bolatyn Buqtyrma sý qoımasyndaǵy demalys bazasynyń qurylysy aıaqtalýda, – dep túıindedi Marat Qabaqov.

SHQO Aqparat ortalyǵy