Prezıdent Q.Toqaev Úkimet otyrysynda mınıstrler kabınetiniń jumysyna kóńili tolmaıtynyn málim etip, úkimet quramy ózgerýi múmkin ekenin meńzedi.
– Jalpy, Úkimettiń jumysyna ortasha degen baǵa berýge bolady. Úkimet tabandylyq tanytýǵa tyrysýda. Biraq qazirgi kezeńde bosańsýǵa bolmaıdy. Jumys qarqynyn barynsha kúsheıtý qajet. Jańa, tyń ádis-tásilderdi qoldaný kerek. Úkimet jedel áreket etetin operatıvtik shtab qana emes, naqty reformalardy usynatyn jáne júrgizetin basty memlekettik mekeme bolýy kerek. Qazaqstanda ekonomıser, kásipkerler kóp. Shetinen bilimdi, daryndy. Biraq olardyń naqty usynystary az, tipti, joq dep aıtýǵa bolady. Kúzge qaraı, múmkin, kadrlyq sheshimder qabyldaý kerek bolady. Erekshe daǵdarys jaǵdaıynda bul óte qajet ekeni túsinikti, dedi ol
Sondaı-aq Qasym-Jomart Toqaev otyrysta Saýda jáne ıntegrasıa mınıstri Baqyt Sultanov, Aýyl sharýashylyǵy mınıstri Erbol Qarashókeev, Ekologıa, geologıa jáne tabıǵı resýrstar mınıstri Serikqalı Brekeshevke sógis jarıalady.
– Biz qant ımportyna 90 paıyz táýeldimiz. Bul jerde Eýrazıalyq ekonomıkalyq odaq aıasyndaǵy sheshimge silteı salýǵa bolady. Biraq qandaı jaǵdaı bolsyn, bul Úkimettiń eleýli qateligi. Demek, memlekettiń múddesin qorǵaı almadyq. Sondyqtan mınıstrler Baqyt Sultanov pen Erbol Qarashókeevke sógis jarıalaımyn, – dedi ol..
Al Serikqalı Brekeshevke sógis geologıa jáne bıoaýlantúrlilik salasyndaǵy sapasyz oryndalǵan jumysy úshin jarıalandy.
Pikir qaldyrý