7 jyl ishinde 1,3 mln sharshy metr turǵyn úı paıdalanýǵa berildi. Sondaı-aq halyqty sýmen qamtamasyz etý boıynsha aıtarlyqtaı jumys júrgizildi. Bul týraly Ortalyq komýnıkasıalar qyzmetiniń brıfıńinde SHQO ákimi Danıal Ahmetov aıtyp berdi.

2015 jyldan bastap Abaı óńirinde 40 mlrd. teńgege 156 nysan paıdalanýǵa berildi, bul aýyldardyń ortalyqtandyrylǵan sýmen jabdyqtaýǵa qoljetimdiligin 2 esege, 42,7 paıyzdan 88,7 paıyzǵa deıin ulǵaıtýǵa múmkindik berdi.

– Abaı oblysynda oblystyq jáne aýdandyq mańyzy bar 865 shaqyrym jol, sondaı-aq Semeı qalasynyń 223 shaqyrym kóshe-jol jelisi jóndeldi. 2018 jyly Semeıdiń ushý-qoný jolaǵyn jáne áýejaıyn qaıta jańartý aıaqtaldy, – dedi Danıal Ahmetov.

2015 jyldan bastap Abaı óńirinde 20 mektep, 4 balabaqsha, 3 stýdenttik jataqhana salyndy, 17 mádenıet jáne sport nysany iske qosyldy, densaýlyq saqtaý men áleýmettik qamsyzdandyrýdyń 4 jobasy iske asyryldy.

– Budan basqa, memlekettik-jekeshelik áriptestik sheńberinde 17 mlrd.teńgege 79 joba boıynsha sharttarǵa qol qoıyldy, onyń ishinde 68 - 7,5 mlrd. teńgege aıaqtaldy, 11 - 9,5 mlrd. teńgege iske asyrý jalǵasýda. Eýropa Qaıta qurý jáne damý bankiniń qarajaty esebinen 13 mlrd. teńgege 4 joba iske asyrylýda, onyń ishinde sýmen jabdyqtaý jáne sý burý júıesin, Semeı qalasy men aýdan ortalyqtarynyń kóshelerin jaryqtandyrý júıesin jańǵyrtý. Sondaı-aq, Úrjar aýdanyndaǵy Alakól kóliniń jaǵalaýynyń týrısik ınfraqurylymyn jaqsartý boıynsha sharalar qabyldandy. Jaǵalaýdy damytýǵa barlyǵy 17 mlrd. teńge jumsaldy, – dep málimdedi óńir basshysy.