OKQ-de ótip jatqan brıfıń barysynda SHQO ákimi Danıal Ahmetov jýrnalıserdi Semeıdiń qandaı oń ózgeristerge ushyraǵanyn jeke kórý úshin qalaǵa kelýge shaqyrdy.

Bıyl Semeı jańa Abaı oblysynyń ortalyǵy atandy. Alaıda qala uzaq ýaqyt SHQO quramynda bolǵandyqtan tilshiler qalaǵa qatysty ákimge birneshe suraq qoıdy.

Suraqtardyń birinde BAQ ókilderi Semeı kásipkerleri Danıal Ahmetovtiń jumysyn synǵa alǵanyn atap ótip, ákimniń bul sózderge degen kózqarasyn surady.

Danıal Ahmetov jýrnalıske áńgime máselege qalaı, qandaı prızmadan qaraýda ekenin aıtty.

– Eger synaýshylardyń sózinen bir ǵana tústi kórseńiz, onda bul – bir suraq, eger synaýshylar 3-4 bolǵanyn kórseńiz – bul basqa áńgime. Meniń basty mindetim – óz tapsyrmamdy oryndaý. Semeıdiń áleýmettik máselesi qalaı sheshilip jatqanyn, kóshelerdi qanshalyqty keńeıgenimizdi, jyldar boıy sheshilmegen ınfraqurylym máselelerin sheshkenimizdi kórmeýińiz múmkin emes. Turǵyndar 30 jyl boıy kópirdiń jóndelýin kútti, biz máseleni sheshtik. Semeı áýejaıyn jóndedik, qazir semeılikter emin-erkin ushyp júr. Sýmen qamtamasyz etý máselesin sheshtik. Káriz dúkerin kúrdeli jóndeýden ótkizý týraly áńgime 40 jyl boıy júrdi. Biz aldyq ony sheshtik. Semeıge kelip, jasalynǵan jumyspen tanysyńyz, tanysqanda da óz elin jaqsy kóretin, jany jaqsylyqqa jaqyn azamattyń kózimen kórińiz, – deıdi Danıal Ahmetov.