Shyǵys Qazaqstanda halyqty vaksınasıalaý jumystary jalǵasyp jatyr. Búginde qaıta vaksınasıalaýǵa jatatyn azamattardyń 83%-y qaıta vaksınasıadan ótti. Bul týraly QR Prezıdenti janyndaǵy Ortalyq komýnıkasıalar qyzmetiniń brıfıńinde SHQO ákimi Danıal Ahmetov aıtyp berdi.

Vırýspen kúresýden bólek, óńirdiń densaýlyq saqtaý júıesinde – ana men balany qorǵaý, onkologıalyq aýrýlarmen jáne qan aınalymy júıesiniń aýrýlarymen kúres sıaqty baǵyttar boıynsha medısınalyq mekemelerdiń materıaldyq-tehnıkalyq bazasyn nyǵaıtýǵa basymdyq berilip otyr.

– Aǵymdaǵy jyly densaýlyq saqtaý salasyna barlyǵy 32 mlrd teńge búdjet qarajaty qarastyrylǵan. Jetekshi sheteldik klınıkalarda medısına kadrlaryn oqytý baǵdarlamasyn iske asyrý da jalǵasyn tabýda. Búginde 6 myń medısına qyzmetkeri oqýdan ótti, onyń ishinde 341 dáriger shetelde oqydy, – dedi Danıal Ahmetov.

Ákimniń sózinshe, oblys boıynsha joǵary tehnologıalyq medısınalyq kómek bes jylda 5,2 esege artqan.

– Búgingi tańda oblysta medısınalyq uıymdar joǵary tehnologıalyq medısınalyq kómektiń 27 túrin kórsetedi. Aıta keteıik, aǵymdaǵy jyly bul úshin 839 mln teńge qarastyrylǵan, – dedi oblys basshysy.