Granttar negizinen medısına, bilim, qurylys, aýyl sharýashylyǵy jáne kólik qyzmetteri salalaryndaǵy mamandardy daıarlaýǵa bólinedi. Bul týraly SHQO ákimi Danıal Ahmetov QR Prezıdenti janyndaǵy Ortalyq komýnıkasıalar qyzmetinde ótken baspasóz máslıhaty barysynda habarlady.

– «Bilikti maman» baǵdarlamasy 2017 jyldan bastap júzege asyrylýda jáne onyń negizgi maqsaty – óńirdegi mektepter men kolejder túlekteriniń sheteldik joǵary oqý oryndaryna ketýin tómendetý jáne oblys kásiporyndaryn joǵary bilikti kadrlarmen qamtamasyz etý. Osy sebepti, biz aǵymdaǵy jyly mindetti túrde granttar bólýdi jalǵastyramyz, onyń ústine olardyń sany 410-nan 450-ge deıin ulǵaıtyldy, – dedi Danıal Ahmetov.

Oblys ákiminiń aıtýynsha, granttar dárigerlerdi, pedagogterdi, sáýletshilerdi, qurylysshylardy, veterınarlardy, sportshylardy, sondaı-aq telekomýnıkasıa, ınjenerıa, óndiris jáne óńdeý, taý-ken isi, standarttaý, sertıfıkattaý, metrologıa jáne kólik qyzmetteri salasyndaǵy mamandardy daıarlaýǵa bólinetin kórinedi.