Eńbek naryǵyndaǵy jaǵdaı turaqty. Jumyssyzdyq deńgeıi 5,1%-dy quraıdy. Jyl basynan beri 17,1 myń, onyń ishinde 7,3 myń turaqty jumys orny quryldy. Almaty ákimi Erbolat Dosaev Ortalyq komýnıkasıalar qyzmetinde ótken brıfıńte osyndaı kórsetkishterdi jarıa etti.

Onyń aıtýynsha, eńbek resýrstarynyń barynsha tartylýyn qamtamasyz etý úshin jańa sapaly jumys oryndaryn qurý jónindegi júıeli sharalarǵa kóshý júzege asyrylady.

«Osy jyldyń İ jarty jyldyǵynda shamamen 19,5 myń adamǵa 804 mln teńge ataýly áleýmettik kómek kórsetildi. 15,8 myń múgedek adam 2,6 mlrd teńgege ońaltý quraldarymen jáne qyzmetterimen adam qamtamasyz etildi. 429 mln teńgege 48 myń adam áleýmettik jobalarmen qamtyldy. Jalpy, 2022 jyly 52,2 myń jumys orny qurylady, onyń 70%-y turaqty jumys oryndary», - dedi Dosaev.