Elektrmen jabdyqtaý salasynda 400 myń turǵyndy qamtıtyn 2 qosalqy elektr stansıasynyń qurylysy júrip jatyr. Bıyl «Almagúl» qosalqy stansıasy, 2023 jyldyń shilde aıynda «Tuzdybastaý» qosalqy stansıasy aıaqtalady. Bul týraly Almaty ákimi Erbolat Dosaev Ortalyq komýnıkasıalar qyzmetinde ótken brıfıńte habarlady.

Sonymen qatar osy jyly 138 km elektr jelileri jańǵyrtylady.

«Sapaly sýmen qamtamasyz etý maqsatynda bıyl Qarǵaly ózenindegi sý jınaý stansıasynyń qurylysyn aıaqtaımyz. Jyldyń sońyna deıin Aqsaı ózenindegi sý jınaý stansıasynyń qurylysyna kirisemiz jáne Ermensaı sý qurylysynyń jobalyq-smetalyq qujattama ázirleýdi aıaqtaımyz. Jańa sý kózderin salý qosylǵan aýmaqtardaǵy 150 myńnan astam qala turǵynyn qamtýdy qamtamasyz etedi. Bıyl shamamen 110 myń adamdy qamtı otyryp, uzyndyǵy 630 km asatyn sýmen jabdyqtaý jáne kanalızasıa jelileriniń 16 obektisiniń qurylysy. Osy jyldyń İ jartyjyldyǵynda 45 km jeli tartyldy. Ekinshi jartyjyldyqta uzyndyǵy 371 km 10 obektiniń qurylysy tolyǵymen aıaqtalady. Nátıjesinde sý qubyry boıynsha jelilerdiń tozýy 55,8%-ǵa, kanalızasıa boıynsha - 57,5%-ǵa deıin tómendeıdi», - dedi Almaty ákimi.