Búgin Ońtústik Qazaqstan oblysynyń ákimi Beıbit Atamqulov qarttar kúni merekesine oraı uıymdastyrylǵan «Qarttaryn qadirlegen el ardaqty» atty dóńgelek ústelde zıaly qaýym men birqatar UOS ardagerlerimen kezdesti. Jıynda aımaq basshysy áleýmettik máselelerdi kótergen el aǵalarymen erkin suqbattasyp, pikir almasty.
− Ońtústik Qazaqstan oblysynyń basshylyǵyna kelgenime eki aıǵa jýyq ýaqyt boldy. Qazirgi tańda aýdandar men qalalardy aralap, oblystyń tynys-tirshiligimen tanysyp júrmin. Siz bolyp, biz bolyp, óńirdiń áleýmettik-ekonomıkalyq damýyna úles qossaq, Elbasynyń sarabdal saıasatynyń oryndalǵany dep bilem. Aǵa býyn ókilderi - Sizderdiń ómirlik tájirıbelerińiz ben aqyl-keńesterińiz biz úshin mańyzdy. Aldaǵy ýaqytta birlese atqaratyn mindetter kóp. Jańa is-sharalardyń josparyn bekitip, jumys jasaýdamyz, − dedi oblys ákimi.
Ár salada elimizdiń damýyna eleýli úles qosyp, aıanbaı eńbek etken zıaly qaýym ókilderi búgingi kúnniń ózekti máselesi bolǵan bilim, densaýlyq, mádenıet, áleýmettik salalar tóńiregindegi oılaryn ortaǵa salyp, qoǵamda kezdesetin keıbir olqylyqtardyń sheshý joldaryn usyndy.
Kezdesýde óńir basshysy urpaqtar sabaqtastyǵyn arttyrý maqsatynda Ardagerler aleıasyn ashý jaıly usynysyn aıtty. Qarttarǵa qamqorlyq jasaý – bizdiń mindetimiz degen B.Atamqulov el aǵalaryna qurmet kórsetip, syı-sıapat jasady.
Búgingi tańda oblysta 210 myńnan astam zeınetkerler turady. Olardyń ishinde 388-i Uly Otan soǵysynyń ardageri bolsa, 22355 tyl eńbekkeri. Jeńistiń 70 jyldyǵyna oraı 23 maıdanger turǵyn úımen qamtamasyz etilip, 297 ardagerdiń baspanasy kúrdeli jóndeýden ótti.
Oblystaǵy ardagerlerimizge «Qamqorlyq» aksıasy sheńberinde qoǵamdyq kólikterde tegin júrýge, komýnaldyq qyzmetterge jeńildikter qoldanylyp keledi. Bıyldyń ózinde atalǵan aksıa sheńberinde 19,5 myńǵa jýyq ardagerge kómek kórsetildi. Qarttarymyzdy saýyqtyrý jáne densaýlyǵyn baqylaý maqsatynda jyl saıyn oblystyq búdjet esebinen 8 myńǵa jýyq ardager densaýlyǵyn túzeýge múmkindik alady.
Sondaı-aq, 550-ge jýyq 80 jastan asqan jalǵyzilikti qarıalardyń zeınetaqylaryna ústeme aqy tólenedi.
OQO ákiminiń baspasóz qyzmeti
