SHQO Tarbaǵataı aýdanynyń ortalyǵy Aqjar aýylynda Daraboz batyr Qabanbaı Qojaǵululynyń 330 jyldyq mereıtoıyna arnalǵan "Babalar erligi ultqa mura, urpaqqa úlgi" atty  ǵylymı-teorıalyq konferensıa ótti.  

Han batyrdyń erligin ulyqtaý sharasyna Qazaqstan jazýshylar odaǵynyń tóraǵasy Ulyqbek Esdáýlet, "Ketbuǵa-Tólegetaı"  halyqaralyq qorynyń úılestirýshisi Manarbek Muhamedjanov, fılosofıa ǵylymdarynyń doktory, profesor Nurdáýlet Aqysh, áskerı tarıhshy Qaırat Saǵataıuly, aqyn, fılologıa ǵylymdarynyń doktory Janat Áskerbek, Tarbaǵataı aýdany ákimi Darhan Jórgekbaev jáne tarıhshy, ǵalymdar qatysyp, daraboz Qabanbaı batyrdyń jaýgershilik zamandaǵy qaharmandyǵyn, qolbasshylǵyn baıan etti.

"Qarakereı Qabanbaı qatyspaǵan birde-bir iri shaıqas bolmaǵan. Qabanbaı batyr osyndaı surapyl shaıqastarǵa qatynasyp, sol jekpe-jekke 103 ret shyǵyp, barlyǵynda jeńiske jetken. Qazaq batyrlaryna bas, erlik isterge uıytqy bolǵan uly qolbasshy óz kezeńinde atty ásker soǵysynyń myqty strategi, jekpe-jektiń tendesi joq sheberi bolǵan" dedi  áskerı tarıhshy Qaırat Saǵataıuly.

Qarakereı Qabanbaı batyr qazaq jerin jaýdan azat etýde alpys jyl at ústinen túspeı,  jońǵar shapqynshylyǵy kezinde ereń erligi urpaqqa úlgi-ónege.