Elde koronavırýstyń taralýy báseńdep keledi. Ótken táýlikte 478 adamnan COVID-19 anyqtalǵan. Birneshe oblysta koronavırýs juqtyrý jaǵdaıy múlde tirkelmegen

COVID-19 taralýyna jol bermeý jónindegi VAK málimetinshe, indettiń taralýy boıynsha elorda (95) men Qaraǵandy oblysy (83) alda tur. Munan keıin vırýs juqtyrý jaǵdaılary Aqmola oblysynda (59), Almaty qalasynda (52), Qostanaı oblysynda (45) jıi kezdesken. Shymkent qalasy men Ulytaý oblysynda koronavırýstyń birde-bir jaǵdaıy anyqtalmaǵan. Almaty oblysynda 2, Jetisý oblysynda, SHQO, Jambyl, Qyzylorda oblystarynda 3 adamnyń koronavırýsqa tapsyrǵan testi oń shyqqan. Bundaı jaǵdaı Abaı oblysynda – 4, Túrkistan oblysynda – 5. Soltústik Qazaqstan oblysynda 13, Pavlodar oblysynda 17, Atyraý oblysynda 19, Mańǵystaý oblysynda 21, Batys Qazaqstan oblysynda 35 adamnan ótken táýlikte koronavırýs anyqtalǵan.

20 tamyzda el boıynsha 740 adam koronavırýs juqtyrǵany belgili bolǵan.

Pandemıa bastalǵaly elde 1 384 027 adamnyń koronavırýsqa tapsyrǵan testi oń shyqqan.