Syrtqy ister mınıstriniń orynbasary Ermuhambet Qonyspaev Ýkraınanyń Qazaqstandaǵy elshisi Petr Vrýblevskıımen kezdesti, dep habarlady SİM baspasóz qyzmeti. 

"Kezdesý barysynda elshige 21 tamyzda qazaqstandyq bloger Dıas Quzaıyrǵa bergen suhbatynda aıtqan málimdemelerine baılanysty narazylyq bildirildi. Qazaqstan tarapy mundaı málimdemelerdiń shet memleket elshisiniń qyzmetine saı kelmeıtini jáne qolaısyzdyǵy týraly ustanymyn bildirdi. Mundaı is-qımyldar memleketter arasyndaǵy dostyq qatynastarǵa nuqsan keltirmeýi tıis", delingen SİM taratqan habarlamada.

Buǵan deıin Qazaqstan halqy Assambleıasy Petr Vrýblevskııdiń Reseı basqynshylyǵy týraly "keleshekte olar bizdiń balalarymyzdy óltirmeýi úshin orystardy kóptep óltiremiz" dep aıtqanyna baılanysty málimdeme jasaǵan bolatyn.