Beıbitshilik salasyndaǵy  Nobel syılyǵyn álem saıasatkerleriniń ishinde Germanıa kansleri Angela Merkeldiń alý múmkindigi mol, dep jazady sheteldik  buqaralyq aqparat quraldary.

Bul týraly «Qamshy» portaly Total.kz-ke silteme jasaı otyryp habarlaıdy.

Norvegıadaǵy álemdik máselelerdi zertteý ınstıtýtynyń dırektory Krıstıan Berg Harvıkenniń aıtýynsha, nemis kansleri Ýkraınadaǵy daǵdarys pen bosqyndar máselesi kezinde belsendilik tanytyp, ózine úlken jaýapkershilik alǵan.

«Ol naqty ári qıyn pikirtalastardan qoryqpaıdy. Biz onyń osy júldege úmitker bolyp, keıin utyp shyǵatynyna senimdimiz», – deıdi Harvıken.

Aıta keteıik, beıbitshilik salasyndaǵy Nobel syılyǵyna Qazaqstan prezıdenti Nursultan Nazarbaev alty márte usynylǵanymen búkilálemdik bul syılyq qazaq kóshbasshysyna buıyrmaǵan bolatyn.

Bul syılyqty osynyń aldynda AQSH prezıdenti Barak Obama alǵan.

Nobel syılyǵyn tabystaý rásimi dástúr boıynsha 10 jeltoqsan kúni ótedi. Dál osy kúni Alfred Nobel ómirden ótken bolatyn.