Qarýly shabýyldyń saldarynan qaza tapqan jerlesterin joqtaǵan Oregona turǵyndary jeksenbi kúni shirkeýge jınaldy. Bul týraly «Qamshy» portaly reuters.com-ǵa silteme bere otyryp habarlaıdy. Valley shirkeýinde jınalǵan 250-ge jýyq adam hrıstıandyq balladalardy birigip oryndap, sońynan qaza tapqandardyń qurmetine jasalǵan vıdeoslaıd tamashalady. Al Umpqua shirkeýine jınalǵan 60 adam bir-biriniń qolyn ustap, odan qalsa, bir-birin qushaqtap turyp, «Biz bárin de eńseremiz» atty azamattyq quqyqtyń ánuranyn aıtty. Shirkeý qyzmetkeri «Árıne, ashý men renish, qorqynysh pen yza qatar júredi. Olardyń ózekti órteıtini de shart, biraq amal neshik» dep, kópshilikti sabyrǵa shaqyrdy.
Aıta keteıik, Oregona shtatynyń Umpqua Community kolejinde qyrǵyn atystyń saldarynan 10 adam kóz jumǵan bolatyn.
«Qamshy» silteıdi
