SHQO-nyń 6 aýdany – Zaısan, Tarbaǵataı, Katonqaraǵaı, Úrjar, Rıdder qalasynda jáne Altaı aýdanynda ornalasqan 23 ózen baseıninde sel qaýpi bar. Bul týraly SHQO ÓKQ ótken brıfıńte SHQO TJD TJ aldyn alý basqarmasynyń bastyǵy Erlan Baltabaev pen Qazselden qorǵaý SHQ fılıalynyń bas ınjeneri Dıdar Mergenov málim etti.

Oblys aýmaǵyndaǵy 146 morenalyq kól 13 eldimekenge qaýip tóndiretin seldiń 23 oshaǵyn quraıdy.

SHQO TJD TJ aldyn alý basqarmasynyń bastyǵy Erlan Baltabaev seldiń jaıylýy uzaqqa sozylǵan jaýyn-shashynnan nemese qatty jer silkinisinen keıin ǵana múmkin bolatynyn jetkizdi.

«Sel qaýpi bar kezeńde qaýipsizdik maqsatynda 12 maýsymdyq gıdropost jáne 1 sý marshrýty ashyldy, "Qazseldenqorǵaý" SHQ fılıalynyń mamandary 23 sel qaýpi bar ýchaskeler boıynsha 220 jerústi tekserý, 9 kóshkin qaýipti ýchaskeler boıynsha 54 tekserý júrgizdi. Kún saıyn táýligine úsh ret árbir gıdrobeketten joǵaryda atalǵan ýchaskelerdegi gıdrometeorologıalyq jaǵdaı týraly aqparat beriledi» dedi Qazseldenqorǵaý SHQ fılıalynyń bas ınjeneri Dıdar Mergenov.

Aǵymdaǵy jyldyń 15-25 tamyz aralyǵynda barlaý toby Belaıa Ýba ózeni baseıniniń 3 bıik taýly morenalyq kólderiniń sel qaýpi bar ýchaskelerine tekserý jáne batımetrıalyq ólsheý júrgizildi. Sel kórinisteriniń aldyn alý maqsatynda barlyq óndiristik-paıdalaný bólimderi men toptarynda avarıalyq brıgadalar qurylyp, bekitý quraldary daıyndaldy.

Qazirgi ýaqytta oblys aýmaǵyndaǵy sel jáne kóshkin jaǵdaıy turaqty, barlyq sel qaýpi bar ýchaskeler "Qazseldenqorǵaý"fılıaly qyzmetkerleriniń baqylaýynda dep atap ótti brıfıńte.