Bir apta boıy Shyǵys Qazaqstan oblysynyń barlyq aýdandarynda mádenı, sporttyq, is-sharalary ótýde. Sondaı-aq óńirde birqatar nysandardy ashý josparlanǵan.

Konstıtýsıa kúni qarsańynda Ulan aýdany Mamaı Batyr aýylynda kópbalaly otbasylar qonys toıyn toılady.

"Qurmetti jerlester, Konstıtýsıa kúni qalyptasqan dástúr boıynsha, biz kóp balaly analarǵa jańa turǵyn úıdiń kiltin tabystadyq. Eki páterli úıler "Bir qabatty Shyǵys" baǵdarlamasy boıynsha salyndy. Mundaı turǵyn úı Qasym Qaısenov kentinde de. salynýda jáne Saǵyr, Tavrıa aýyldarynda turǵyn úıler paıdalanýǵa berilmek" dedi Ulan aýdanynyń ákimi Renat Qurmanbaev.

Aıta keteıik, 80 sharshy metrlik Kirpish úılerdi "JarmaQurylysGaz" kompanıasy saldy, olarǵa ortalyq sýmen jabdyqtaý júrgizildi. Sonymen qatar, oblys ortalyǵynda "Asyl bala" balabaqshasynyń saltanatty ashylýy ótti. Bilim berý mekemesi memlekettik-jeke menshik áriptestik aıasynda iske qosyldy. Syıymdylyǵy - 90 balaǵa arnalǵan.

Al qala men oblystyń birqatar aýdandarynda óskeleń urpaqtyń bos ýaqytyn paıdaly jáne durys uıymdastyrý úshin balalardyń aýla alańdary men sport nysandary paıdalanýǵa berildi. Óskemendegi Protozanov kóshesiniń turǵyndary da Konstıtýsıa kúnin taǵatsyzdana kútti.

Búgin munda emhana ashyldy. Burynǵy balalar tamaqtaný kombınaty kúrdeli jóndeýden keıin jáne maqsaty ózgergennen keıin densaýlyq saqtaý obektisine aınaldy. Aıta ketý kerek, 30 tamyzda Shyǵys Qazaqstannyń barlyq qalalary men aýdan ortalyqtar Ata zańy kúnine arnalǵan konsertter, jármeńkeler men kórmeler ótýde.

Búgin Óskemen qalasynyń turǵyndary men qonaqtaryn mazmundy keshki baǵdarlama tosyp tur. Óıtkeni Konstıtýsıa kúni men oblys ortalyǵynyń 302 jyldyǵy qatar kelip otyr.