Shyǵys Qazaqstan oblysynyń turǵyndary Konstıtýsıanyń 27 jyldyǵyn atap ótýde. Konstıtýsıa kúnine arnalǵan saltanatty konsert Óskemen qalasynyń ortalyq alańynda ótti.

"Búgin búkil el Konstıtýsıa kúnin atap ótýde. Bul basty memlekettik merekelerdiń biri. Negizgi zań-bul eldegi turaqtylyqtyń, beıbitshilik pen kelisimniń kepili, memleketimizdiń demokratıalyq damýynyń myzǵymas irgetasy. Bıylǵy jyly QR Konstıtýsıasyna túzetýler engizý boıynsha ótken referendým bizdiń azamattarymyzdyń elimizdiń odan ári bolashaǵyna beı-jaı qaramaıtynyn kórsetti. Konstıtýsıa azamattardyń negizgi quqyqtary men bostandyqtaryna kepildik beredi. Onyń arqasynda biz turaqtylyq, kelisim jáne ıgilik jolynda nyq qadam basamyz. Bul kúni barlyq qazaqstandyqtarǵa baqyt, densaýlyq, Otan ıgiligi úshin jańa jetistikter men jeńister tileımin. Mereke qutty bolsyn! Konstıtýsıa Kúnimen!- dep jazdy SHQO ákimi Danıal Ahmetov óziniń Instagram paraqshasynda.

Óskemen qalasynyń ortalyq alańyna 1000-ǵa jýyq adam jınaldy. Shyǵysqazaqstandyqtar Konstıtýsıa merekesin qýanyshpen qarsy aldy.

"Búgin kóptegen adamdar jınaldy. Barlyǵy baqytty jáne kóńildi, biz balalarmen birge keldik! Balalar bıledi, óner kórsetti. Óte keremet ótýde. Bizdiń elimizdiń halqy óte uıymshyl" dedi qala turǵyny Tatána Sychova.

Qala týmasy Dilnaz Arǵynǵazınanyń aıtýynsha, QR Konstıtýsıasy kúni-búkil elimiz úshin aıtýly jáne mańyzdy merekelerdiń biri dep atap ótti.

"Jyl saıyn biz bul kúndi turaqty túrde atap ótken edik. Biraq shekteý sharalaryna baılanysty bizde 2 jylǵa jýyq osylaı birge atap ótýge múmkindik bolmady. Biz búgin qalada qaıtadan konsertter, alańda túrli is-sharalar uıymdastyrylǵanyna óte qýanyshtymyz, bul qýanysh pen birliktiń teńdesi joq atmosferasyn sezinýge múmkindik beredi. Barshańyzdy merekemen quttyqtaımyn!" dep izgi tilegin bildirdi.

Aıta keteıik, kúni boıy Qalanyń bas alańynda túrli is-sharalar ótedi.