Opozısıalyq saıasatker, jýrnalıs Rysbek Sársenbaıdy elordada polısıanyń arnaıy jasaǵy ustap áketken. Bul týraly saıasatker Bolat Ábilov habarlady.

Ábilovtiń sózinshe, Rysbek Sársenbaı astanaǵa Qańtar oqıǵasy boıynsha ustalǵan azamattardyń tergeýin ádil júrgizýdi talap etý úshin úkimet úıiniń aldyna jınalǵan áıelderdi qoldaý úshin barǵan. Sondaı-aq ol saıastkerdi ustaý kezinde ony julqylaǵanyn, polısıa bóliminde oǵan medısınalyq kómek kórsetilgenin aıtyp, bassyzdyqty toqtatýdy talap etedi.

Keshe Almatyda opozısıalyq kózqarastaǵy saıasatker, qoǵam belsendisi, táýelsiz baqylaýshylardan turatyn top merziminen buryn prezıdent saılaýyn ótkizý bastamasyna baılanysty baspasóz máslıhatyn ótkizip, Demokratıalyq kúshter koalısıasyn quratynyn málimdep, bılikke úndeý joldaǵan. Koalısıa qatarynda Rysbek Sársenbaı men Bolat Ábilov bar.