Shyǵys Qazaqstan oblysyndaǵy orman órti áli sóndirilmedi

/image/2022/09/08/crop-5_19_415x738_572bd20466675471852792b0038867c6.png

Shyǵys Qazaqstan oblysy tótenshe jaǵdaılar departamenti Kúrshim aýdanyndaǵy Marqakól orman sharýashylyǵy aýmaǵynda orman órti áli sóndirilmegenin málimdedi, dep habarlady Altaınús.

Qazir órttiń aldyn ala aýmaǵy 1 300 ga quraıdy. Jaqyn ornalasqan eldi mekenderge qaýip tónip turǵan joq.

Órtti sóndirýshilerge taý bederleri men aýa raıy qıyndyq týdyrýda. Sondyqtan "MI-8" jáne "Evrokopter" tikushaqtary tartylǵan. Búgin órt bolǵan jerge sýaǵar qurylǵysy bar QR TJM Qazavıaqutqarý MI-171 tikushaǵy qosymsha kómekke kelmek.

"Altaı aýdanynda Zyrán orman sharýashylyǵy órtendi. Tilsiz jaýdyń aldyn ala aýmaǵy - 800 gektardy quraıdy. Órtti aýyzdyqtaý úshin sýaǵar qurylǵysy bar MI-8 tikushaǵy, 200-ge jýyq adam men 29 tehnıka jumyldyryldy. Eldi mekenderge qaýip joq. Búgin órt bolǵan jerge Semeı qalasynyń №68303 áskerı bóliminiń sýaǵar qurylǵysy bar QR Qorǵanys mınıstrliginiń MI-17 tikushaǵy, jeke quramnyń 50 adamy jáne 4 birlik tehnıkasy kómekke qosymsha keledi", - dedi SHQO TJD baspasóz qyzmeti.

Katonqaraǵaı aýdanynda Altynbel aýylynan 12 shaqyrym jerdegi Novo-Berezovka ormanshylyǵynyń aýmaǵy órtenýde. Órttiń aldyn ala aýdany 1200 Ga.

"Glýbokoe aýdanyndaǵy Kamennyı karer aýylynda da órt sóndirý jumystary jalǵasýda. Órt sóndirýshilerdiń jumysyn taý bederleri qıyndatyp tur. Taýdyń bıiktigi shamamen 800 metr. Turǵyndarǵa tóngen qaýip seıildi. Búgin saǵat 08.52 shamasynda 60 ga alańdaǵy órt aýyzdyqtaldy. Tilsiz jaýdy aýyzdyqtaýǵa SHQO TJD, polısıa, JAO-nyń 70 adamy men 15 tehnıkasy jumyldyryldy. Tarhanka aýylyndaǵy órt keshe tolyǵymen joıyldy", - dep túsindirdi TJD.

Shyǵys Qazaqstan oblysyndaǵy orman órti áli sóndirilmedi

Qatysty tegter :

Pikir qaldyrý

Qatysty Maqalalar