Aqtóbe oblysyna qarasty Muǵaljar aýdanynda UQK bólimi basshysynyń orynbasary jumys ornynda  ózine qol salǵan. Jergilikti buqaralyq aqparat quraldarynyń málimetterine súıensek, UQK-niń 38 jastaǵy qyzmetkeri jumys kabınetinde ózine oq atqan. Bul týraly «Qamshy» portaly tengrinews.kz-ke silteme jasaı otyryp habarlaıdy.

Oqıǵa 3 qazan kúni kúndiz Qandyaǵashta bolǵan. Er adam vahterdi temekige jiberip, ol joqta ózine tabel qarýynan oq atqan. UQK qyzmetkeri 5 qazan kúni jerlengen. Onyń artynda jubaıy men eki qyzy qaldy.

Basylymnyń málimetinshe, qaza bolǵan azamat bul qyzmetinen buryn UQKD halyqaralyq terorızm jáne ekstremızmmen kúres basqarmasynda jumys istegen.

Ol 2011 jyly Shubarshy jáne Keńqıaq aýyldarynda bolǵan maýsym aıyndaǵy oqıǵaǵa, naqtyraq aıtqanda oǵan qatysýshylardy ustaý operasıasyna qatysqan.

 «Qamshy» silteıdi