Pavlodarda oblys ákimi Qanat Bozymbaevtan aqsha bopsalaý isi boıynsha sotta aldyn ala tyńdaý bastalǵan. Al, zardap shegýshi ákim Qanat Bozymbaevtyń ózi sot tyńdaýyna kelmegen. Bul týraly «Qamshy» portaly  Today.kz-ke silteme jasaı otyryp habarlaıdy. Asqar Bahralınov, Iaroslav Golyshkın, Nurjan Súleımenov jáne Farhat Alıasovqa qatysty qylmystyq is sotqa osy jyldyń 28 qyrkúıeginde túsken bolatyn.. Tórteýi de asa iri kólemdegi qarjyny aldyn ala kelisip, bopsalaý men aýyr iske kámeletke tolmaǵan tulǵany tartý boıynsha aıyptalýda.

Sonymen birge, Asqar Bahralınov "Terorızm týraly jalǵan habarlama berýdi uıymdastyrý", Farhat Alıasov oq dárini zańsyz satyp alý men saqtaý jáne esirtki zatyn zańsyz satyp alý, saqtaý men satý maqsatynsyz tasymaldaý aıyptary taǵylǵan.

Sottyń aldyn ala tyńdaýyna Qanat Bozymbaevtyń atynan astanalyq qorǵaýshy Tatána Shınkorenko kelgen.

Ýtbanova pen Kovlágınanyń suranystary qanaǵatandyrylmaǵan. Memlekettik aıyptaýshy Radımhan Dýbaeva muny shaǵymdar basty sot otyrysynda berilý kerektigimen túsindirdi.

Súleımenovtyń qorǵaýshylary sottyń jabyq túrde ótýin suraýda, muny onyń qaýipsizdigimen baılanystyrǵan.

Aıta keteıik, oblys ákimi Qanat Bozymbaevtan aqsha bopsalaý isimen UQK qyzmetkerleri aınalysqan.

Tergeý barysynda osy jyldyń mamyr aıynda kýágerden kúdiktige aınalǵan jergilikti «Versıa» aptalyǵynyń redaktory Iaroslav Golyshkın qamaýǵa alyndy.

Keıin polısıa ákimniń orynbasary Asqar Bahralınovtyń úıine tintý jasap, ony da qamaýǵa aldy. Polısıanyń burynǵy qyzmetkeri Alıasov úı qamaǵynda boldy.