Kásipker Ramıl Mýhorápovtyń qazaq tiline baılanysty aıtqan daýly málimdemesi boıynsha qylmystyq is qozǵaldy. Bul týraly Almaty qalasynyń polısıa departamenti jýrnalıs Asan Anarbaıdyń saýalyna bergen jaýabynda habarlaǵan.
"Al, dostar, Ramıl Mýhorápovtyń málimdemesine qatysty aryz boıynsha qylmystyq is qozǵaldy. Almaty qalasynyń Almaty qalasynyń Polısıa departamenti Ekstremızmge qarsy is-qımyl basqarmasy 20 qazanda QR Bas prokýratýrasy men Almaty qalasynyń prokýratýrasyna túsirgen aryzyma qylmystyq is ashqany jaıly jaýap beripti. Almaty q. PD EQİSB bastyǵynyń mindetin atqarýshy D.E.Abıkýlov qol qoıǵan hatqa sensek, PD Tergeý basqarmasynyń QR Qylmystyq kodeksiniń 174-babynyń (“Áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý”) 1-bóligimen sotqa deıingi tergep-tekserýdi bastaǵan. " deıdi jýrnalıs.
Ábiqulov tergelip jatqan qylmystyq is sheńberinde psıhologıalyq-fılologıalyq SARAPTAMA taǵaıyndalyp, nátıjeleri boıynsha prosesýaldyq sheshim qabyldanatyn jetkizgen.
Asan Anarbaı aıtýynsha, bul aıyptyń jazasy zańda úsh nusqada kózdelgen: 2 myń-7 myń AEK aıyppul, 2-7 jyl aralyǵynda bas bostandyǵyn shekteý nemese aıyrý.
Chocofamily basshysy Ramıl Mýhorápovtyń reseıliktermen kezdesý kezinde qazaqsha bilmeıtin ózge ult ókilderine oryssha bile tura qazaq tilinde jaýap berý mádenıetsizdik ekenin aıtqan sózderi daý týdyrǵan. Atalǵan oqıǵadan soń qazaqstandyqtar Chocofamily ónimderine baıkot jarıalap, onyń ústinen Bas prokýratýraǵa depýtattar, jekelegen azamattar aryzdanǵan. Ramıl Mýhorápov bolsa, áleýmettik jeli arqyly kópshilikten keshirim surap, artyq ketkenin moıyndaǵan.
Pikir qaldyrý